آآآآه ياااا أقفــا....(الاقرع أبوزنة)

هو....

دمل من الدمامل المنتشرة علي جسد الصالحية ويسبب لها حساسية و( أكلان ) وهرش ..دائما مايزيد هذا الهرش في الصيف الحار او المناسبات ( اللي مولعة خلقة ) زي الانتخابات مثلا ومايصاحبها من حالات مرضية لاصحاب الدمامل ...

منهم هنا دمل سندرسه الآن .. 

كان ياما كان ..في بداية الزمان ..كان فيه دمل ..عاش في فقر ( دكر ) اه والله ..عادي مش مهم بس ممكن الفقر يدفع الانسان الي التفوق والتميز والابداع والنجاح وممكن في الناحية التانية ناحية الرصيف او الكوبري يدفع صاحية للهبل والجنون والمرض النفسي ... وخصوصا صاحبنا شم نفسه  لالا متهيألي مش شم نفسه بفتح النون والفاء ولكن بتسكين الفاء !.لانه بعد ما احواله تغيرت وحصل بالسرقة من اخواته ومن اهله وقرايبه علي نصيب الاسد في الميراث وياريت بس كده دا ورث في غيره كمان يعني الابواب فجأة اتفتحت ليه من كل ناحية وخصوصا زي باب بيته القديم اللي كان بيتحرك علي حجر ابيض كبير وباب بيسد الشارع كله مش البيت بس لانه بيتحرك بعمود خشب كازورين من ايام الفراعنة ..المهم جاييلكوا في الكلام ورث صاحبنا بالسرقة بس عاش بخيل جلده مش يصرف علي روحة مليم عاش جعانا وسيموت جعانا وسيظل جعانا ابد الآبدين ..رغم الاملاك والثروات والسرقات من كل ناحية ومش فيه حاجة يخش فيها سواء عمل تطوعي او رسمي الا لما يحلب منها اللبن الحرام من الضرع لغاية لما يجيب دم والعياذ بالله.. بوشه الاسود الكريه ...ده حتي علشان يوفر تمن حلاقة شعره وراسه قعد ياخد دوا كيماوي علشان يبقي اصلع وميكلفش نفسه تمن الحلاقة وفعلا بقي اصلع اسود شكله زي الشجاع الا قرع ..ويكلمك بقفاه مش بوشه ..عند مايكلمك يوطي راسه للخلف كده يعمل راسه حركة دائرية لورا ..ويكلمك بالشكل ده تصور واحد بيكلمك وبيديلك قفاه اللي اتهرا من كتر شيل المقاطف بتاعة السباخ وهو صغير.. احنا مش بنعيب واحد علي فقره لان الفقر مش عيب لكن انه يتحول الي حالة مرضية صاحبها مش عارف يعيش ويستمتع بالاموال الحرام اللي جت له وبيكره العز والنضافة ماهو فيه فقرا بس نضاف وحلوين ومايبخلوش علي نفسهم بشيء وفيه عصاميين نجحوا ف بلدنا وخرجوا من دائرة الفقر الي العز والفخفخة ومعيشين ارواحهم بس فيه صنف معاهم فلوس الدنيا بس مش فيه فايدة برضواعايشين جربانين مش عارفين يعيشوا ارواحهم لان مش عندهم ثقافة الاستمتاع بالحياة وهو ده الفقر الفعلي ان الانسان ما يمتلكش ثقافة الاستمتاع بالحياة ولو جت له فلوس مش هتخليه يعيش ويرتقي بنفسه ولا حياته ولا اولاده ....

نرجع للأقرع أبو زنة أو الشجاع الاقرع .مشكلته انه بيمشي في أزية الناس ولو ربنا اداله سلطة يعشق ازية الناس وتعطيل مصالحها بلذة غريبة مرضية حتي أصحاب الفضل عليه واللي كانوا بيتصدقوا عليه من قرايبه واحد منهم قابلني كان صاحب فضل عليه وتصدق عليه وشغله عنده وهو شاب فقير في مبتدأحياته.. بيقولي تصور كان ليا مصلحة جت قدامه راح معطلها واحاول معاه شمال ويمين مافيش فايدة.. قلت له اصلك بتفكره بأيام الفقر اللي كارهها لانه كان شغال عندك ..قاللي صح كلامك.. انت ريحتني.. انا افتكرت ان انا عملت فيه حاجة من غير ما اقصد لانه بيحاربني بطريقة غريبة !

يخربيتك يا اقرع الكلب !

كله  الا قفاه اللي بيتكلم ساعة مايقابلك يوطي ويديلك قفاه ويتكلم وانت مش شايف وشه لدرجة ان انا قلت يمكن اتولد بعيب خلقي وطلعت شفايفه اقصد "شلاضيمه "وبقه طلع في حته تانية في قفاه علشان كده هو بيوطي ويديلك قفاه ساعة ما يتكلم لدرجة ان انا قررت مره امسك قفاه واشوفة بقه المتحول في قفاه علشان نشهره والعاشرة مساءا تيجي تعمل حوار معاه بقفاه المتحول ويبقي معجزة يمكن يطلعله قرشين  كمان !

بس اذيته للناس دي هيه اللي مزعلاني وانا ادعوا كل مواطن شريف لما يقابله ويكلمه ويديله قفاه كالمعتاد يضربه بالقلم علي قفاه يمكن ياجماعة يتعالج ويخف ..دااحنا اللي عقلنا خف من الاشكال دي وبالذات والصيف الساخن بدأ وانا اللي مخوفني اكتر انه ممكن علشان هو قريب من السكة الحديد يطلع في مطلوع ان يقول ان السكة الحديد دي بتاعة عمه واللا ابوه ويقاسم السكة الحديد وياخد عربيات الدرجة الثالثة او السبنسة وربنا يلطف بينا من الأقرع أبو زنة اللي (...........) في المشنة ..وآآآآآآآآه يا أقفااااااااا  ...!!!

كتبه بألم : محمد امام نويرة
حمل بسرعة وشاهد اغنية آآآه يااا قفااا لمحمود عبدالعزيز ..اضغط علي الرابط:
http://www.youtube.com/watch?v=X8LbQ5NyeCo